Тешка сообраќајка се случи утринава во 6 часот во Австрија на автопатот Линц. Во сообраќајката учествувале македонски автобус и товарен камион. Во автобусот имало 18 македонски државјани, од кои 2 лица се потешко повредени, но не се во животна опасност и 6 лица се полесно повредени, соопштуваат од МНР за Пресс24 .
Нема детали за името на компанијата и превозникот на автобусот.
Засега е потврден само бројот на повредените, но не и деталите како дошло до несреќата и која компанија ги превезувала патниците.
Според австриските медиуми, по сударот, камионот, кој бил натоварен со дрва, се превртела кабината, а возачот останал заробен. Повредениот возач бил пренесен со хеликоптер во болница.
Целосен извештај за собраќајката ќе биде даден по завршувањето на увидот.