Синоќа се одржа седница на Извршниот комитет на ВМРО-ДПМНЕ, по која изјава за ТВ 24 даде Тони Михајловски кој рече дека ставот за уставните измени останува ист.
-За уставните измени има став, пратеничката група е целосно на една страна. За сега нема пазарања, притисоците остануваат. Разговараме за предвремените избори, за можни понатамошни проекции. Немаше ништо спектакуларно како што очекуваше јавноста, рече Михајловски.
Пред извршниот, изјава за медиумите даде и Трајко Славевски:
– Првото прашање е подготовка на партиската инфраструктура, кое е почнато. Второто е подготовка на иновативната програма со која ВМРО-ДПМНЕ ќе настапи на вонредните парламентарни избори макар тие да се одржат за месец и пол од овој момент.
Ние сме во завршна фаза на подготовката на програмата. Има многу новини, проритет повторно е економскиот раст, мерки за подобрување на животниот стандард на граѓаните, изјави Славески.
