Денеска „Камп Ноу“ и Каталонија се во центарот на вниманието на фудбалската спортска јавност, а причината за тоа е големото дерби меѓу шпанските гиганти Барселона и Реал Мадрид.
Ова е дуел во кој двата состави посакуваа победа, победа која може комплетно да ја промени оваа сезона, да даде дополнителна самодоверба и храброст во мисијата за оставрување на сите зацртани цели, а тоа се титулите. Барса средбата ќе ја започне со 18 бода, Реал со 14, меѓутоа кога се во прашање дуелите меѓу овие два противници тоа воопшто нема некое влијание со оглед на големото ривалство и желбата да се надигра противникот по секоја цена.
Ова дерби по долго години ќе биде без Лионел Меси и Кристијано Роналдо, првиот го пропушта поради повреда, вториот за тоа штп повеќе не е дел од „кралевите“. Меѓутоа токму Португалецот испрати една јавна порака до својот поранешен клуб притоа посакувајќи му среќа и славје на „Камп Ноу“.
-Имам голема почит кон Барселона, ама го носам Реал Мадрид во срцето. Поради тоа се надевам дека денешниот ден ќе биде среќен за Реал, -истакна Роналдо за „Ас“.