Вирусот на мали сипаници е најопасен за плодот во првите три месеци од бременоста, велат лекарите.
Трагедија во Македонија. Трудница од Штип која што била во шести месец на бременост завршила на гинекологија, каде ја породиле со мртов плод. Сето ова се случувало пред десетина дена.
Пациентката била примена на лекување поради зараза од морбили на Клиниката за инфективни болести.
Во изминатиот период неколку трудници абортирале поради овој опасен вирус.
Во моментов на Инфективна клиника на лекување има 2 бремени жени со морбили, од кои едната треба наскоро да се породи. Во меѓувреме примени се уште четириесетина пациенти кои биле позитивни на вирусот.
Извор: Центар.мк