Секогаш кога ќе бидам повикан на лидерска средба каде што ќе се одлучува за иднината на нашата држава, на Република Македонија, ќе присуствувам и ќе додадам вредност.
Но, доколку господинот Пендаровски сака да има тет а тет средба со мене тогаш ќе треба да докаже дека е претседател на сите граѓани. И ја користам оваа прилика еве да му упатам еден апел доколку навистина искрено сака средба со лидерот на опозицијата, прво што треба да направи е да им се извини на Македонците во Република Македонија за неговата изјава за Гоце Делчев и истата да ја повлече, па дури потоа може да разговараме за наша заедничка средба, вели Претседателот на ВМРО-ДПМНЕ Христијан Мицкоски во денешното интервју во дневникот на Канал 5 телевизија.
Целото интервју на Мицкоски ќе биде прикажано во централните вести во 18:00 часот на Канал 5 телевизија.
Прочитај повеќе вести: Детали за сообраќајната несреќа на патот Куманово- Крива Паланка, директно се судрија „Берлинго“ и „Астра“
Две лица се повредени во сообраќајната несреќа што се случи денеска околу пладне на магистралниот пат Куманово- Крива Паланка, кај месноста Страцин.
-До сообраќајната несреќа дошло поради судир на две патнички моторни возила, марка Цитроен Берлинго со скопски регистарски ознаки и Опел Астра со кумановски регистарски таблички. во незгодата со лесни телесни повреди се здобиле две лица, возачот на едниот автомобил и еден патник, информира портпаролот на СВР Куманово Живкица Чавдаревиќ.
Поради несреќата сообраќајот на магистралниот пат А2 Крива Паланка- Куманово беше во прекин во периодот од 12 до 14 часот и петнаесет минути.