Денес, со почеток во 13:00 часот, во просториите на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, Специјалната јавна обвинителка Катица Јанева ќе даде изјава, стои во соопштение на официјалната страница на СЈО.
Како што пишуваат македонските медиуми, голем број новинарски екипи веќе уште пред еден час се пред просториите на СЈО каде што ќе побараат одговори од специјалната јавна обвинителка Катица Јанева за случајот „Рекет“.
Од ОЈО денеска обелоденија уште една информација поврзна со шефицата во оставка Катица Јанева.
Имено, скопското обвинителство соопшти дека е најден и вториот телефон на Катица за кој се тврдеше дека е изгубен.