Акните се најчесто привремен проблем, но лузните од акни може да бидат трајни. Како и да е, несаканите лузни се дел од нормалниот процес на заздравување на кожата откако тој е оштетен од рана или повреда. Повеќето површни рани завршуваат без лузни. Кога се оштетува дермисот тогаш се создаваат лузни на кожата. Дознајте што ги предизвикува лузните од акни и како можете да ги спречите и лекувате.
Причини
Лузните од акните најчесто се производ на воспалена лезија, како што се акните, брадавиците или цистата. Воспалено црвенило се случуваат кога фоликулите, или порите, се претопуваат со вишокмаснотии, мртви клетки на кожата и бактерии. Пората отекува, предизвикувајќи пукнатина во ѕидот на фоликулите. Ако пукнатината се јави во близина на површината на кожата, лезијата обично е мала и брзо се лекува. Повеќе сериозни лезии се јавуваат кога има длабока пукнатина во ѕидот на фоликулите. Инфицираниот материјал се излева во дермисот и го уништува здравото ткиво на кожата.
Колку е поголемо воспалението на кожата, толку е поверојатно да се појават лузни. Колку е посериозна ситуацијата со акните толку е поголема можноста за појава на лузни.
Видови на лузни од акни
Како што раната заздравува, телото понекогаш произведува премногу колаген, што создава маса на покачено ткиво на површината на кожата. Овој тип на лузни се нарекува хипертрофичен, или келоидни, лузни.
Почесто, акните предизвикуваат атрофични или депресивни лузни. Атрофичните лузни се развиваат кога има губење на ткивото.
Превенција на лузни од акни
Не можете целосно да ги спречите лузните, но овие чекори можат да ги минимизираат шансите за развој на лузни од акни:
Третирајте ги акните веднаш штом ќе се појават: Најдоброто нешто што можете да го направите е да ги ставите акните под контрола што е можно побрзо. Започнете да ги лекувате веднаш така што ќе побарате помош од дерматолог. Брзиот третман помага да се задржи пробивот на минимум и ги спречува акните да се развијат во потешка форма. Ако ги спречите акните ќе ги спречите и лузните.
Намалување на воспалението: Големо, воспалено црвенило од акни има многу поголеми шанси да остави лузни од не-воспалени пробивања и црнки. Вашата цел секогаш треба да биде да се смири воспалението и да се избегне да направите нешто што дополнително ќе ја иритира кожата. Треба да се избегнуваат агресивни пилинзи и силни производи за нега на кожата.
Не ги стискајте, пукајте или корнете мозолчињата: Воздржете се од ова искушение. Наместо да се ослободите од акните ќе предизвикате инфекција во ткивото и само ќе го влошите воспалението.
Не ги лупете крастите: Крастата е природен „завој“ за кожата кој ја заштитува раната додека зараснува. Лупењето на крастата од раната пред да биде подготвена го продолжува процесот на лекување и ги зголемува шансите за лузни.
Знајте дали сте подлежни на лузни: Реалноста е дека некои луѓе се повеќе склони кон лузни, додека други поминуваат низ тежок случај на акни без ниту една лузна на повидок. Ако сте многу склони кон лузни, веднаш посетете дерматолог за да разговарате за опции за третман на акни.
Посетете дерматолог доколку добиете сериозни осипи со акни или цисти: Иако дури и малото црвенило може да ја оштети кожата големите ја прават вистинската штета. За вакви акни нема да ви помогнат стандардните производи против акни ниту пак традиционалните лекови. Затоа веднаш закажете си состанок кај дерматолог. Брзиот, ефективен третман може да помогне да се намалат шансите за развој на длабоки лузни.
Целиот текст прочитајте го на НАНЕ.мк