Шефицата на СЈО во оставка Катица Јанева, за „А1он” (линк ОВДЕ) вели дека било недоразбирање претресот кој полицијата го вршела на обвинителката Фатиме Фетаи.
-Не е точно, не сум издала таква наредба. Станува збор за недоразбирање. Не сум расположена за повеќе разговор”, рече Катица Јанева која не сакаше да одговори на други прашања.
Повеќе вести: Мицкоски не повика на протести, вели дека е потребно трпение
Претседателот на ВМРО-ДПМНЕ, Христијан Мицкоски засега не ги исклучува протестите како начин неговата партија да добие предвремени парламентарни избори, но потсети дека за тоа има и други демократски алатки.
Мицкоски истакна дека нема да дозволи ВМРО-ДПМНЕ да биде оправдување за неуспехот на Владата да добие датум за преговори за влез во Европската Унија. Мицкоски најави дека кога ќе дојде на власт, никој нема да добие амнестија за сторен криминал без разлика дали бил дел од претходната власт или од сегашната.
Претседателот на ВМРО-ДПМНЕ изрази жалење заради тоа што одредени кругови не ја разбираат политичката стратегија на неговата партија, која како што самиот кажа не е брз спринт на 100 метри, туку долг и тежок маратон. Мицкоски замоли за трпение чекор по чекор Македонија да застане таму каде што и е местото во европското семејство.
Сподели: