Портпаролот на ДУИ, Бујар Османи во изјава за медиумите од седиштето на ДУИ во Мала Речица рече:
„Главен столб на нашите разговори беше усогласување по текстот на законот за употреба на јазиците. Вчера претседателството го усвои текстот на тој закон, кој ние го предложивме до СДСМ како текст за заедничко усогласување со цел усвојување во Собрание. Една важна фаза од процесот е завршена, утре почнуваме со другите делови со усогласување на платформата“, рече Османи.
Портпаролот на ДУИ, Бујар Османи, рече дека Ахмети има статутарно право но и согласност од претседателството во делот на давање на поддршка за мандат, да го направи тоа и без да го свика претседателството.