Основачите на граѓанската организација „за заедничка Македонија“ Богдан Илиевски и Борис Дамовски за време на гостувањето на дебатната емисија “Топ Тема“ на Телма заедно со пратеникот од редовите на СДСМ, Павле Богоевски и Бојан Маричиќ, револтирани од начинот на кој се одвиваше дебатата, станаа и ја напуштија емисијата.
Прв кој реши да ја напушти емисијата е Дамовски, а Илиевски стана и рече дека ќе биде колегијален со својот соборец. Дамовски истакна дека не можел да ги поднесе подметнувањата на Бојан Маричиќ, а потоа ја напуштија синоќешната дебата.