fbpx
17.8 C
Skopje

Ивица Тодоров му објаснува на Шишоски зошто ќе бојкотира

АКТУЕЛНО

Во Фејсбук „дебатите“ сé почесто се сретнуваат коментари од типот на тоа дека бојкотот значел неодговорност, неискажување на став, незаинтересираност и други лажни епитети наменети за оние кои не сакаат ни да помислат да учествуваат во националното самоубиство и тој свој став планираат да го искажат преку бојкот на референдумот.

Веројатно се работи за само уште една од тактиките да се замае умот на Македонецот и да се натера тој да излезе и да гласа против или да го прешкрта ливчето, секако со крајна цел на референдумот да биде исполнет цензусот. Но таквите тактики се провидни, а и лесно е да им се реплицира. На еден таков коментар одговори и отец Ивица Тодоров, па во неколку реченици ги објасни малтене сите главни причини зошто бојкотот е најисправната опција за тие што си ја сакаат земјата таква каква што е, па и по цена името секогаш да си го носиме како тег на ногата (како што милува да рече Никола Димитров).

Отец Ивица одговори вака:

„Jordan Šišovski, се радувам што повторно се читаме, помислив дека се заборавивме:)

Зошто БОЈКОТ? Затоа што некои прашања од човечка, марална, правна, политичка, историска и визионерска страна НЕ ЗАСЛУЖУВААТ ОДГОВОР! Да, не е оргинален мојот одговор кон тебе, затоа што веќе некои го искористија за еден друг референдум, но тоа е тоа , тоа е вистинскиот одговор ТОКМУ за овој консултавивен – и уставно и процедурално – криминален референдум!

И ти самиот знаеш дека понекогаш со НЕУЧЕСТВО, СО БОЈКОТ повеќе се кажува отколко со учество во нечиста игра на нечисти луѓе со проблематични мотиви!

САМО БОЈКОТ на овој неморален референдум и на оној понижувачки договор кој е темпирана бомба која може да отвори многу болни процеси на овој и така веќе болен Балкан!“

Извор: Букефал

ПОСЛЕДНИ ОБЈАВИ

- Advertisement -