Поминаа повеќе од 48 часа – нема ниту трага, ниту глас од 2 годишната Данка
Поминаа повеќе од 48 часа од исчезнувањето на малата Данка Илиќ во Бањско поле, Србија.
На местото каде што исчезна девојчето има багери, полицијата ја копа земјата околу куќата пред која последен пат беше видена исчезнатото девојче.
Според пишувањата на медиумите, на терен пристигнале уште два багери (комбинатори).
Се наведува дека овие багери не вршат ископи, туку работат на изнесување смет и отпад.
Хронолошки, во потрагата по девојчето биле вклучени сите дежурни служби на МВР и во Србија за првпат бил активиран системот „Најди ме“. Информацијата дека е исчезната е објавена на автопатишта, на веб-страницата на МВР, на аеродромот „Никола Тесла“, железнички и автобуски станици… За многу краток период неколку стотици службеници на МВР биле на територијата каде Данка била пријавена за исчезната. Во потрагата се вклучија и пожарникари, бројни волонтери од цела Србија, спасувачи од Планинската спасувачка служба и ловџии.
Девојчето Данка Илиќ (2) од Бор исчезна околу 13 часот и 45 минути во вторникот додека си играла со мајка си и братот пред објектот во Бањско поле.
„Живееме во Бор. Ги донесов да трчаат наоколу и да се прошетаат. Моите родители се од тука и јас често престојував таму како мала“, вели мајката на Данка, Ивана.
„Кога се свртев, ја немаше. Уште нема две години, во мај ќе наполни две години. Уште не зборува. Ја довикував, но таа не ми одговори. Има едно дрво во близина. Му се молам на Бога што е можно поскоро да ја најдеме“ рече таа.
Министерството за внатрешни работи го активираше системот за пребарување „Најди ме“ по моделот на Amber Alert.
Во потрагата по исчезнатото девојче се вклучија повеќе од 300 луѓе – полиција, планинска спасувачка служба, пожарникари, спасувачи, работници од комунални претпријатија, цивили… Поставени се дронови со термо камери. Вклучени биле и припадници на Жандармеријата, а биле користени квадрици, кучиња трагачи и хеликоптери.
На вториот ден од претрагата, во утринските часови, полицијата извршила строга контрола на возилата.
Родителите на девојчето поминале неколку часа во полиција давајќи изјава, што е стандардна процедура во вакви случаи. Се огласил дедото на девојчето, Милан Илиќ кој потврдил дека родителите на девојчето се во полиција. Телефонот на мајката на исчезнатото девојче е предаден на вештачење во полиција.
Полицијата ја прошири потрагата и во населениот дел на Бањско поле. Снимката е преземена од надзорната камера лоцирана во дворот на куќата на соседката Јасмина Стојадиновиќ од Бањско поле, која била прегледана од полицијата. На видеото се гледа зелен автомобил „пунто“ кој во моментот на исчезнувањето на девојката се движел по улицата со голема брзина.
Возилото го управувал сосед кој живее недалеку од местото каде исчезнала Данка Илиќ. Според информациите, мажот бил во алкохолизирана состојба и возел со голема брзина.
Во потрагата по исчезнатата Данка на вториот ден од потрагата се вклучија и форензичари и припадници на белградската криминалистичка полиција. По 27 часа потрага, припадниците на МВР ги прекинаа понатамошните претреси на теренот. Полицијата продолжи интензивна оперативна работа за утврдување на сите факти и околности поврзани со исчезнувањето на детето. Откако претресот на теренот бил прекинат, полицијата поставила шатори пред куќата.