Д-р Дејан Ивановски од Штип – Врвен авторитет во глобалната ендодонција и гордост на Македонија
Д-р Дејан Ивановски, еден од водечките стоматолози во Штип и Македонија, го постигнува невозможното – признание од најголемата светска организација во областа на ендодонцијата, Style Italiano Endodontics. Со повеќе од 200.000 членови ширум светот, оваа престижна организација го препозна неговиот талент, труд и посветеност.
Д-р Ивановски е избран за финалист меѓу најдобрите 16 клинички случаи на глобално ниво на Bootcamp Oscar Edition, што ќе се одржи во рамките на овогодинешниот конгрес на Style Italiano Endodontics во Атина на 27 септември 2024 година. Со овој успех, тој ја става Македонија на мапата на светската ендодонција и ја истакнува својата клиничка експертиза и прецизност.
„Ова е огромно признание за мојата работа и силен мотив да продолжам да се усовршувам во областа на ендодонцијата,“ вели д-р Ивановски, кој веќе има зад себе импресивна кариера во PZU Dental Medika во Штип. Откако неговите случаи беа високо евалуирани од бордот на Style Italiano Endodontics, тој беше примeн како член на оваа реномирана организација – што претставува уште едно потврдување на неговата посветеност и квалитет.
Овој успех е инспирација за сите македонски стоматолози и доказ дека со труд, знаење и посветеност можат да се постигнат врвни резултати. Д-р Ивановски не само што ја претставува Македонија на глобално ниво, туку и го отвора патот за идните генерации на стоматолози во земјата.
Честитки за д-р Дејан Ивановски, кој покажува дека професионалната страст и макотрпната работа можат да го променат светот!