Објавено е видео на кое се гледа како министерот за земјоделство на Хрватска и вицепремиер, Јосип Дабро, од отворен прозорец пука девет истрели од пиштол ХС-2000 додека се вози во неговиот личен автомобил. Се претпоставува дека пука додека се двиѓи со автомобилот низ населено место.
Снимката која ја објави Јутарњи лист отвора бројни прашања.
Според она што може да се види на видеото, Дабро е виден во лежерна облека, облечен во шорцеви и со маичка, што може да навести дека видеото е снимено во текот на летото минатата година.
Во позадина се слуша народната песна „Каранфил се на пут спрема“ од Зехра Бајрактаревиќ.
Од Владата засега нема реакција, но вицепремиерот на владата на Пленковиќ, Дабро, ја потврди автентичноста на снимката.
„Ова е снимка од пред неколку години, а јас пукав од пиштол со маневарски куршуми, тоа беше некоја приватна прослава, снимката му ја испратив исклучиво на нашиот другар Марио Радиќ и на уште еден“, изјави Дабро за „Јутарњи лист“ и додаде дека нема да поднесе оставка.