Градоначалникот на Штип, Иван Јорданов, денеска сподели статус на социјалните мрежи кој за само два часа доби над 2.200 позитивни реакции и бројни коментари со поддршка.
Во објавата, Јорданов порача „Ветено – сторено“, потенцирајќи дека и покрај сомнежите на дел од јавноста, општината не се откажала од плановите за трансформација на просторот.
Со почетокот на рушењето на поранешното одделение познато како „нервно“, започнува и новата фаза во уредувањето и развојот на овој дел од градот. Граѓаните масовно го поздравија овој чекор, оценувајќи го како значајна промена што ќе обезбеди подобра функционалност и поурбан изглед на централното подрачје во Штип.
– Браво градоначалник, број еден си во Македонија!
– Само напредок во град Штип, благодарност до градоначалникот, заслужен втор мандат. Продолжува Штип во се поубаво светло. Градот под Исарот, најубав град во Источна Република Македонија.
– Само напредок со овој градоначалник, добро е што постои. За многу поубави денови и години граѓаните во град Штип.
– Овој момент го чекаа 90% од Штип. Преродба за населбата и градот.
Ова се само дел од коментарите под објавата.
