Генералниот секретар на ВМРО-ДПМНЕ Драган Ковачки со честитка до САД по повод 250 години независност
Генералниот секретар на ВМРО-ДПМНЕ, Драган Ковачки, по повод 4 Јули – Денот на независноста на Соединетите Американски Држави, упати честитка до американскиот народ по повод големиот јубилеј – 250 години од прогласувањето на независноста.
Во својата честитка, Ковачки им посака мир, просперитет и благосостојба на граѓаните на САД, истакнувајќи дека станува збор за стратешки сојузник на Македонија и единствена светска суперсила.
„Нека овој историски ден биде потсетник на трајните идеали на слободата и демократијата и нека бидат инспирација за останатите нации и идните генерации“, порача Ковачки.
Тој на крајот од пораката го честита Денот на независноста на САД, посакувајќи им среќен празник и честит 250-годишен јубилеј.
