Имаше едно време во кое во Македонија на некои луѓе им се случуваа американските сонови – од ништо да стане нешто! Многу примери знам такви, но ќе спомнам еден. Господинот Никола Груевски беше обичен службеник во една банка, како стотици илјади други. Штотуку конкурираше да биде директор во штедилницата ФУМ, и од таму беше одбиен затоа што не ги положил тестовите.
Истиот тој млад човек, таа 98 година беше член на друга партија, некој кој што нема партизирано општество, на Демократска Алтернатива. Ние го повикавме и му ги отворивме вратите на тогашното ВМРО-ДПМНЕ. Што е тоа ако не надеж, остварување на соновите кои некои со години ги граделе.
Вака, сегашниот претседател на ВМРО-ДПМНЕ Никола Груевски е опишан на митинг од страна на основачот и прв претседател на ВМРО-ДПМНЕ, Љубчо Георгиевски.