Менаџерот на Манчестер Јунајтед Жозе Мурињо говореше за Лестер по вчерашната победа, но не заборави да го спомене и Арсенал.
Јунајтед вчера со 2:0 го совлада Лестер и ја продолжи одличната низа на стартот од првенството, а Мурињо по натпреварот го искоментира и својот ривал.
„Дали Варди е опасен играч? Би рекол дека е еден од најопасните во Премиер лигата. Дали денеска беше опасен? Не. Зошто? Затоа што добро го контролиравме“, изјави Мурињо, а потоа продолжи да одговара на прашањата.
„Дали Лестер беше опасен против Арсенал? Да, беа. Го гледав мечот три пати, а прашувате зошто не беа опасни против нас? Не знам, веројатно поради нас самите. Можеби сме подобар тим од Арсенал“.
Португалецот во свој стил даваше кратки одговори на прашањата, а на навивачите на Арсенал никогаш не им се допаѓа кога Мурињо ќе ги спомне. А тоа го прави често.
Извор: СпортКлуб