Менаџментот на АД „ЕЛЕМ“ попладнево преку соопштение ги демантираше информациите за продажба на компанијата.
Во соопштението се наведува дека менаџментот на компанијата во ниту еден момент не размислува за продавање.
– Новото раководство работи единствено во правец ЕЛЕМ повторно да биде столб на енергетската и економската стабилност и независност на Македонија. Досегашниот увид кој е направен покажува дека во изминатите 11 години во компанијата се работело во спротивен правец, односно на ослабување на ЕЛЕМ и на целиот енергетски сектор, се истакнува во соопштението.
Во врска со посебниот владин советник за економија и контакти со земјите од регионот, Александар Обрадовиќ, од АД ЕЛЕМ велат дека Обрадовиќ е должен да ги даде своите услуги на сите државни субјекти кои имаат потреба од одредена експертиза. – АД ЕЛЕМ се обрати до советникот Обрадовиќ за мислење за идни развојни проекти на компанијата, особено во делот на стратегии за обновливи извори на енергија, се вели во соопштението.