За некои маркантна политичка фигура која во 90-тите била дел од луѓето кои учевствуваа во формирањето на ВМРО-ДПМНЕ, за други пак, некогашен гласен критичар на политиките на актуелното раководство на ВМРО-ДПМНЕ, човек кој пред само две години на социјалните мрежи беше гласен во критиките против Претседателот на државата Ѓорѓе Иванов и кој јавно го поддржа неговиот противкандидат Јове Кекеновски во внатрепартиската пресметка за избор на официјален кандидат за Претседател на држава на тогашните претседателски избори.
Тоа е кандидатот за градоначалник во Делчево од редовите на ВМРО-ДПМНЕ, Иван Соколов. Битката се водеше меѓу актуелниот градоначалник на Делчево Дарко Шехтански и претседателот на ОК на ВМРО ДПМНЕ во Делчево Драган Христов, но сепак во последен момент како официјален кандидат на партијата е претставен Иван Соколов.