Државната изборна комисија ги одби сите поднесени приговори поднесени за првиот круг од локалните избори што се одржаа во неделата. Љупка Гугучевска од ДИК изјави дека седницата завршила утрово и оти се одбиени сите приговори. До ДИК беа поднесени вкупно 46 приговори од кои 43 на ВМРО-ДПМНЕ, но пред почетокот на вчерашната седница беа повлечени три и еден во текот на седницата. По еден приговор имаа ТМРО, Алијансата на Албанците и Левица. Против одлуката на ДИК може да се поднесе тужба до Управниот суд, во рок од 24 часа од приемот на решението, а Управниот суд, пак, по приемот на жалбата, треба да донесе одлука во рок од 48 часа. Вториот круг на локалните избори ќе се одржи на 29 октомври (недела).