Премиерот на Велика Британија Тереза Меј веќе го напушти самитот во Брисел, но ги повика земјите да работат за напредок на преговорите за Brexit.
„Треба да бидеме оптимисти и амбициозни во однос на она што може да се постигне, бидејќи се држиме до истите основни принципи а имено вербата во слободната трговија, јасната и фер конкуренција и во почитувањето на правата на корисниците “, рече Меј.
Се очекуваше дека на самитот на ЕУ и Велика Британија преговорите ќе отидат чекор понапред и ќе се префрлат на дискусијата за преодниот период и идните трговски односи меѓу Кралството и континентална Европа, пишува ТАСС. Недостатокот на напредок во текот на преговорите суштински го намали значењето на средбата. Изданието Times напиша дека „оваа средба е понижување за Тереза Меј.”