Беневенто сезонав ги руши сите негативни рекорди во Серија А. Клубот од сезонава е нов прволигаш, но со оглед на резултатите, веројатно немаат многу причини да бидат горди на фактот дека се натпреваруваат во најсилната лига на Италија.
„Вината лежи во лошите влијанија кои секогаш биле врзани за овој град, а тоа се вештерките. Точно е, суеверен сум, па што?“, изјави претседателот на клубот Вигорито.
Беневенто по 12 одиграни меча во Серија А, нема ниту еден единствен бод со што го израмнија рекордот стар дури 87 години.