Дефанзивецот на Челси Давид Луиз смета дека тренерот го казнува поради неговото другарство со Диего Коста, а сето тоа поради тоа што Луиз го поддржа сонародникот во судирот со италијанскиот тренер минатата сезона.
Искусниот дефанзивец е изоставен од првиот тим на Сините на дербито меѓу Манчестер Јунајтед и Челси (1:0), а ден после натпреварот мораше да тренира сам, одвоен од тимот, по казна бидејќи се спротистави на стратегијата на тренерот. Бразилецот вчера доживеа и повреда на тренингот, па шпекулациите околу негово наводно заминување од клубот станаа се погласни.
Сега “Диарио Гол“ пренесува дека идниот клуб односно дестинација на Луиз е токму Барселона. Изворот за овој весник вели дека Луиз наводно изјавил: “Подобро е да се биде во Барселона, него да се биде резерва во Лондон“.
Вистина е дека на Барселона совршено би и одговарал играч каков што е Давид Луиз. Пике игра многу лошо во последниот период, на услугите на Вермален не се ни смета, додека Маскерано ќе го напушти клубот.