Жител на село Ваксинце во текот на вчерашниот ден додека собирал шишарки откри неексплодирана мина.
Случајот е пријавен вчера во 14,30 часот, во Куманово кога на патниот правец од с.Слупчане кон с.Алашевце на м.в.Борово при собирање на шишарки, Ќ.Р.(55) од с.Ваксинце пронашол неексплодирана мина од минофрлач 66мм, која најверојатно потекнува од 2001 година.
Увид на лице место извршила екипа при СВР-Куманово, во содејство со екипа од Антитероризам и истата е подигната од лице место за понатамошна постапка. Известена е и Дирекција за заштита и спасување.