Валенсија и Барселона во дербито од 13. коло од Ла Лига одиграа натпревар без победник (1:1). Домаќините во водство ги донесе Родриго во 60. минута, а изедначувањето и бодот од Барса го донесе Жорди Алба после сјајна асистенција на Лео Меси.
Иако Меси во 30. минута постигна гол, судиите не видоа дека топката ја прејде линијата па аргентинецот остана шести натпревар по ред без постигнат гол, со што го повтори “рекордот“ од 2010. година.
Барселона во овој натпревар беше оштетена, но Ернесто Валверде рече дека судијските грешки се составен дел од фудбалот:
“Вистина е дека сме оштетени, но да се присетима на натпреварот против Малага, кога топката излезе надвор од теренот, а судијата го призна нашиот гол.“
Вечерва на теренот се водеше голема битка, знаевме дека Валенсија е одлична на домашен терен. Се изборивме за бод и мислам дека можеме да бидеме задоволни со резултатот.
Судијската грешка ја коментираше и стрелецот на голот за израмнување на резултатот, Жорди Алба:
“Може да се случи судиите да не ги видат деталите, на сите им се случуваат грешки, но јас дури од нашата половина на теренот видов дека топата влезе во голот!“