25 земји членки на ЕУ се вклучија во проектот за заедничка европска одбрана

25 држави членки на ЕУ изгласаа официјална одлука за основање на нова мрежа за одбрана и соработка во безбедноста, со што се поставуваат основите на предложениот порано европски одбранбен сојуз. Одлуката, беше наречена “историска” од шефот за надворешна политика на ЕУ Федерика Могерини.  Проектот им овозможува на земјите членки да соработуваат во областа на одбраната и безбедноста, што значи помала зависност од САД. Данска, Малта и Велика Британија остануваат надвор од европскиот проект за одбрана.  Соработката ќе започне со 17 конкретни проекти, вклучувајќи создавање на медицинска единица, логистички центар, центар за обука мисии и развој на заеднички стандарди за воена радиокомуникација.