Легендарниот фудбалер од Холандија, Весли Снајдер истакна зошто во минатото го одбил Ливерпул, сметајки дека ако замине во Галатасарај ќе освојува повеќе трофеи.
Снајдер сега игра во Катар, но тој се наврати наназад неколку години па потенцираше дека Галатасарај за него во 2013 година била подобра опција.
„Многу од клубовите се прашуваа зошто го напуштам Интер, Ливерпул беше еден од заинтересираните клубови, па на крајот сите беа изненадени зошто го избрав Галатасарај“.
„Но зошто Галата а не Ливерпул? Па јас сум победник, јас играм за награди и признанија, па затоа и се решив во Галатасарај да заминам, таму сметав дека ќе имам повеќе шанси за трофеи, во Ливерпул сигурно не, на крајот мислам дека го донесов вистинскиот избор. Имав неколку убави години во Турција“, констатираше Снајдер.
Овој фудбалер иако во поодминати години, пред извесен периосе се пресели во една од катарските екипи, каде е еден од најплатените фудбалери во тамошната лига.