Некогашниот играч на Барселона Педро Родригез Ледесма е мотивиран пред вечерашната средба меѓу англискиот и каталонскиот клуб во ЛШ.
Натпреварите меѓу Челси и Барселона во минатото секогаш се покаже како доста интересни и возбудливи, особено поради фактот што на овие дуели секогаш се носеле спорни судски одлуки кои знаеле да го доведат во прашање вистинскиот исход од самиот натпревар.
–
-Можно е да ја победиме Барселона и да минеме во следниот круг. Тешко е затоа што тие се многу голем, голем тим, но тоа не е невозможно, -рече Родригез кој притоа говореше и за Лионел Меси, играч кој многумина го сметаат за најдобар на сите времиња, ама се уште нема постигнато гол против „сините“.
-Меси е најдобар играч во светот. Но, тој не е непобедлив. Очигледно, тоа е Барселона. Тоа е Лео Меси. Многу е тешко да се запре овој човек, бидејќи тој е многу брз, многу умен. Но, видете тоа не е невозможно. Тој е на друго ниво. Никој не може да го направи она што го прави. Поради оваа причина е специјално да се игра со него. Посебно за мене затоа што ќе можам да им кажам на моите деца во иднина бидејќи, веројатно, тој ќе се смета за најдобар во историјата, -вели шпанскиот репрезентативец.