Мино Раиола е еден од најдобрите и најмоќните фудбалски агенти, но тој воедно е познат по долгиот јазик и по критиките кои ги упатува директно и прецизно.
Досега се има замерено со многу фудбалски работници, а еден од нив е сегашниот стратег на Манчестер Сити, Пеп Гвардиола. Тие двајца не се во добри односи од времето кога Златан Ибрахимовиќ (негов застапник) беше дел од Барселона, поточно откако напаѓачот доби „клоца“ од „Камп Ноу“, бидејќи не се вклопи во филозофијата на Гвардиола.
-Гвардиола како тренер е фантастичен. Како човек е нула, тој е кукавица, куче. Тој е класичен свештеник. Прави го тоа што ти го кажувам, не го прави тоа што јас го правам… Ако со Сити сезонава ја освои ЛШ ќе покаже дека е добар тренер, но јас ќе го мразам, -реча Раиола.
Мино воедно проговори и за 2011, за финалето кога Барселона го победи Манчестер Јунајтед и ја освои ЛШ, сезона која Ибрахимовиќ ја мина на позајмица во Милан.
-Го барав таа вечер низ ходниците на Вембли, ама претседателот на Милан, Адријано Галијани ме запре. Гвардиола имаше среќа, -вели контраверзниот агент.