37.8 C
Skopje
Sunday, July 14, 2024

Сензација во Франција, Унгарија ја елиминираше Данска

Репрезентацијата на Унгарија го направи најголемото изненадување на ракометното Светско првенство во Франција, откако во осминафиналната пресметка беа подобри од Данска со 27:25.

Данците беа апсолутни фаворити во пресрет на средбата, но Унгарија одигра едно крајно дисциплиниран натпревар и сосема заслужено се избори за четвртфинале.

Водството на Унгарија започна со 2:0, и се одржуваше се до полувреме, каде на одмор се замина со 13:12. Во вториот дел Данска имаше и негатива од четири погодоци (20:16, 21:17 и 22:18). Данска сепак изедначи, но немаше сили за целосен пресврт, па во самиот финиш Унгарија со мудра игра дојде до победата.

Во второто денешно осминафинале, Шведска без проблеми ја елиминираше Белорусија, совладувајќи ја со убедливи 41:22.

поврзани објави

Последни објави