По состанокот на првиот човек на Северна Кореја со претседателот на Интернационалниот Олимписки Комитет Томас Бах, соопштено е дека Северна Кореја ќе учествува на Олимписките игри во 2020 година (летни) и 2022 година (зимски).
Бах објавил дека ИОК ќе предложи двете Кореи, Јужна и Северна, заеднички да учествуваат на свечените отворања на Игрите, за ЛОИ во Токио во 2020 и за ЗОИ во Пекинг во 2022 година.
– Ни рекоа дека сакаат да учествуваат на ЛОИ во Тoкио и на ЗОИ во Пекинг, како и на сите изданија на Олимписките игри за млади. Тој ангажман на корејскиот спорт ужива потполна поддршка од врховниот водач Ким Јонг Ун“, изјавил првиот човек на Интернационалниот Олимписки Комитет Томас Бах.
