Утринава жителите на главниот град, но и на поголемиот дел од нашата држава ги разбуди силен, пороен дожд, проследен со силен ветер од северен правец и грмотевици.
Во Македонија денеска ќе има позначителна промена на времето, кога во поголем дел од земјата ќе има поројни врнежи од дожд со грмежи и засилен северен ветер.
Локално се можни и поинтензивни процеси во форма на невреме, како и пообилни врнежи од дожд, над 20 литри на метар квадратен.
Утринската температура ќе се движи од 13 до 22, а дневната од 16 до 28 степени. УВ-индексот ќе изнесува 4. Во Скопје слично време, со темепратура од 20 до 24 степени.
Во вторник ќе продолжи да дува засилен северен ветер, а во источните делови се уште ќе има услови за локален дожд. Дневната температура во наредните два дена значително ќе се намали.
