Сегашните безбедносни сили на Косово (ФСК) ќе се трансформираат во војска на Косово, откако денеска косовските пратеници ги изгласаа трите нацрт-закони потребни за трансформирање на безбедносните сили во војска.
Седницата ја напуштија пратениците на партијата на косовските Срби, Српска листа, која е категорично против формирање оружени сили на Косово.
За гласаа 101 од пратениците на албанските партии, но и партиите од помалите етнички заедници од групата Шест плус.
Во иднина се очекува да биде променет и уставот со цел да се смени името на ФСК“.