Кандидатот за Претседател на Република Северна Македонија професорката Гордана Силјановска Давкова денеска го посети штабот на кандидатот на СДСМ Стево Пендаровски.
По вчерашното кафе со Река, денес решив да го посетам и штабот на Стево. Ѓорѓи Галетановски – Чомбе не ме пречека, ама со присутните заклучивме дека сите очекуваме фер изборен процес и избори без нерегуларности, пишува Давкова на Твитер.
Инаку, кандидатот на ВМРО-ДПМНЕ денеска доби поддршка и од Жозеф Дол, претседателот на ЕПП, кој истакна дека Силјановска е вистинскиот кандидат за зајакнување на економијата, независно судство и борба против корупцијата, предуслов за продолжување по евроатланската патека.
Во својот твит во кој изрази поддршка за Силјановска Давкова, Дол додава дека изборите треба да бидат слободни и фер, порача тој.
