Пред да го погледнете ова видео, би ви посоветувале сите да размислите дека никој од нас нема вечно да биде млад. Нашата некултура денес, немањето време и трпение некогаш ќе го бараме од другите. Еве едно момче кое го знае тоа, тој имаше време да се симне од неговиот мотор и да и помогне на оваа беспомошна бабичка.
😊 A heartwarming sight of some bikers doing the right thing! 🏍Credit: storyful
Posted by The Epoch Times Canada on Friday, April 5, 2019
Прочитајте повеќе: Што навистина сакаат наставниците за подарок на крај на учебната година?
Повеќето наставници среќно прифаќаат секакви подароци од нивните ученици (и нивните семејства) на крајот од учебната година. Но, што тие навистина сакаат? Погледнете ги нивните искрени одговори во продолжение.
„Ние не очекуваме ништо и цениме сè. Рачно напишаните честитки ни значат многу повеќе одошто мислите и верувајте ни, сите ги чуваме. Што се однесува до подароци, пенкалата во боја се секогаш добредојдени. Некои родители ме прашувале кое ми е омиленото кафе и ме почестувале – ова е навистина добар начин да се започне денот.“ – Џен
„Како наставник, морам да кажам дека најнезаборавниот подарок што сум го добил некогаш беше кога секое дете во одделението донесе по едно цвеќе за секој наставник. На крајот од денот ги споивме сите и добивме прекрасен букет со разновидни цвеќиња.“ – Гери
„Моите омилени подароци се рачно напишани пораки со благодарност од децата или родителите. Ги чувам сите нив во мојата работна маса и ги читам во текот на тешките денови. Неверојатно е тоа што родителите ми праќаат и позитивни имејлови, што потоа ги испраќаат и до директорот. Тоа ми значи премногу.“ – Џени
„Ја ценам секоја порака од ученик. Знам дека не е толку практично како утринско кафе, но многу ми помага кога знам дека мојот труд не е за џабе. Идејата е да направам промена и кога го гледам тоа, душава ми се полни.“ – Хедер