Британскиот министер за надворешни работи Борис Џонсон денеска изјави дека неговата влада останува зад дводржавното решение на повеќедеценискиот проблем меѓу Израел и Палестина, пренесуваат француските медиуми.
„Политиката на Владата на Велика Британија останува непроменета“, рече Џонсон пред новинарите во Рамала.
Тој претходно имаше состанок со палестинскиот министер за надворешни работи Ријад ал-Малки.
Џонсон додаде дека неговата влада останува посветена на дводржавното решение за завршување на конфликтот.
Тој, исто така, рече дека новиот поглед на работите од двете страни бара водство и храброст.