Легендарниот швајцарски тенисер Роџер Федерер нанижа уште еден трофеј во својата ризница, првиот Мастерс годинава Индијан Велс, и со своите 35 години стана најстариот освојувач на Мастерс турнир во историјата.
Во финалето Роџер беше поуспешен од својот сонародник Стас Вавринка со 2-0 во сетови (6-4 и 7-5) .Со брејк во последниот 12-ти гем, тој го заврши финалниот меч кој траеше околу 70 минути, за уште едно големо доближивање кон првото место на АТП листата.
Следен Мастерс за „жнеење“ на Роџер Федерер е Мастерсот во Мајами, каде е голем фаворит за освојување.