Вчера попладне во Полициската станица Кисела Вода, бизнисменот В.И. од Охрид пријавил дека две Непалки кои биле вработени во неговата фирма се оддалечиле од домот во кој престојувале во Охрид. соопшти полицијата.
Како што е соопштено станува збор за С.Ц.(41) и Л.С.(25), двете од Непал, кои работеле во охридска фирма.
Полицијата презема мерки за нивно пронаоѓање.
Ова е втор случај на увезени работнички од Непал да ги напуштаат домовите во кои ги сместиле газдите на фирмите во кои се вработени. Првиот случај беше пред две недели во Прилеп кога исто така сопственик на фирма информира дека 4 Непалки го напуштиле живеалиштето.