Претседателот на Европската комисија (ЕК), Жан-Клод Јункер побарал од американскиот претседател Доналд Трамп да престане да го поддржува излегувањето на земјите од ЕУ, пренесуваат светските медиуми.
Јункер изјавил дека доколку Трамп не престане со ваквите изјави, тогаш тој „ќе возврати со иста мера“. „Доколку Трамп продолжи така, ќе се залагам за независност на Охајо и Остин во Тексас“, рекол Јункер во четвртокот на конвенцијата на Европската народна партија (ЕРР).
Шефот на Европската комисија рекол дека го иритира тоа што Трамп е „среќен поради Brexit“ и поради тоа што побарал од останатите членки на ЕУ да го направат истото.