Денес имав чест да бидам во друштво на луѓето кои со својата посветеност, труд и љубов кон организацијата оставиле длабока трага.
Им доделив плакети за благодарност на поранешните генерални секретари на ВМРО-ДПМНЕ, Борис Змејковски, Војо Михајловски, Гордана Јанкулоска, Мартин Протоѓер, Кирил Божиновски, Емил Димитриев и Ѓорѓија Сајкоски како признание за нивниот значаен придонес и долгогодишен ангажман.
Остануваме обединети, заедно со искуството и енергијата што ја носиме.
Средбата претставува значаен момент на заедништво, искуство и континуитет. Во време кога предизвиците се сериозни, ваквите средби се потсетник дека силата на една организација лежи во нејзините луѓе, вредности и историја.
Размената на мислења, идеи и искуства меѓу луѓето кои ја граделе партијата низ годините е од непроценливо значење за идните чекори. Единството и посветеноста кон заедничката цел остануваат приоритет.
На оваа средба беше изразена јасна и недвосмислена поддршка за претседателот Hristijan Mickoski, како креатор и двигател на сегашните и идните политики и развој на татковината Македонија.
Со мудроста од минатото и енергијата за иднината, продолжуваме напред.
За Македонија,
За ВМРО-ДПМНЕ,
#ВМРО
