Претседателот на Украина, Петро Порошенко денеска ги затвори своите налози на руските социјални мрежи „Вконтакте“ и „Одноклассники” (соученици), кои тој лично ги забрани, пренесе ТАСС.
„Украинските интернет провајдери треба да престанат да обезбедуваат пристап до овие и други руски сервери. Сите официјални страници на претседателот на овие сервери ќе бидат затворени. Ги повикувам сите сонародници да ги напуштат руските сервери од безбедносни причини”, се вели во пораката на Порошенко.
