fbpx
1.8 C
Skopje

Запленети 68,5 килограми марихуана кај Блаце

АКТУЕЛНО

Царинските инспектори на граничниот премин Блаце заплениле околу 68,5 килограми марихуана, пронајдена во комбе со специјално подготвен бункер.

Како што претходно беше објавено, завчера околу 22:30 часот на граничниот премин Блаце на влез во Република Македонија било запрено комбе со хрватски регистраски таблички, управувано од хрватски државјанин со иницијали Б.К.

Во делот наменет за товар и задните седишта бил откриен бункер, во кој биле сместени 39 опаковки со различна големина, исполнети со марихуана и вкупна тежина од 68,5 килограми.

Царинската управа против сторителот ќе поднесе кривична пријава за сторено кривично дело „неовластено производство и пуштање во промет на наркотични дроги, психотропни супстанции и прекурсори“ до Јавното Обвинителство, по што подоцна ќе биде изнесен пред надлежен судија на претходна постапка.

ПОСЛЕДНИ ОБЈАВИ

- Advertisement -