Капитенот на машката ракометна селекција на Македонија, Кирил Лазаров на Светското првенство во Франција, кое започнува на 11. јануари ќе настапи во специјални патики, изработени од неговиот спонзор „Hummеl”.
Познатата данска компанија, патиките ги изработи специјално за нашиот капитен и се комплетно обоени во црвена и жолта боја, а на нив е испишано неговото презиме, Лазаров со бројката СЕДУМ која е негов заштитен знак.
Десниот бек на нашиот национален тим споменатите патики веќе ги испроба на мечот со БиХ во вторникот, а сигурно по нив ќе биде препознатлив на Светското првенство во Франција.