Американската компанија „Боинг“ соопшти дека склучила договор со кинески компании за продажба на 300 патнички авиони, вреден 37 милијарди долари.
Договорот е најавен денеска, за време на посетата на американскиот претседател Доналд Трамп на Кина, иако новинската агенција Блумберг информира дека дел од зделката може да се однесува на постари, веќе договорени нарачки за патнички авиони.
Кинеските авиокомпании ќе купат вкупно 260 летала „Боинг 737“ и 40 летала „Боинг 787“.