На Клиниката за гинекологија и акушерство пристигнаа 16 инкубатори, кои веќе може да се користат.Во другите клиники во Република Македонија ќе бидат доставени уште 10 инкубатори, и тоа во општите болници во Штип, Тетово, Струга, Прилеп, Охрид, Куманово, Битола, Гостивар и во Струмица, како и во Специјалната болница за гинекологија и акушерство – Чаир во Скопје.
„Веруваме дека со оваа донација ќе придонесеме кон зголемување на квалитетот на грижата на предвреме родените новороденчиња. Наша најголема заложба и обврска како Влада и како одговорни граѓани е да се грижиме за најмалите уште од првиот момент по нивното раѓање бидејќи се работи за почеток на животот на идните генерации како најважна и највисока човечка вредност“, изјави премиерот Зоран Заев.
Премиерот изјави дека ваквите донации се пример дека државата и приватниот сектор заедно може да придонесат кон решавање и на најгорливите проблеми што ги мачат граѓаните. „Се радувам што во нашата земја постојат позитивни примери, како денешниот со скопска „Пивара“ каде што можеме да видиме како општествено одговорна компанија дава директна помош за унапредување на условите во одделението за интензивна нега, каде што мајките ќе се згрижуваат кога ќе ги донесат своите новороденчиња на свет, додаде Заев