fbpx
11.8 C
Skopje

Словенија преку Скок за прв пораз на Македонија на СП во Франција

АКТУЕЛНО

Ракометната репрезентација на Македонија го доживеа првиот пораз на овогодинешното Светско првенство во Франција, откако Словенија ни одржа добра ракометна лекција, совладувајќи ја нашата селекција со 29:22 (16:10).

Словенците го отворија натпреварот, но потоа нашите ракометари успеаја да поведат на 2:1, а тоа беше и единствената предност која што ја имавме на овој натпревар. Брзата транзиција на словенските ракометари беше пресудна за нашата одбрана, па на полувреме заминавме со негатива од 6 голови, односно 16:10 во полза на Словенија.

Фантастичните одбрани на на словенскиот голман Скок, не дозволија нашите ракометари да ја анулираат предноста на Словенија, а најголемата предност која ја имаше селекцијата на Веселин Вујовиќ, изнесуваше +9. Конечниот резултат на семафорот беше 29:22 за Словенија.

Најрасположен од нашиот состав и овој пат беше капитенот Кирил Лазаров, кој постигна 9 погодоци, Стоилов стрелаше три пати, а Дрогришки трет стрелец со два погодоци.

Македонија во среда ќе се соочи со селекцијата на „Црвената фурија“ со почеток од 20:45 часот.

ПОСЛЕДНИ ОБЈАВИ

- Advertisement -