fbpx
16.8 C
Skopje

Новковски: Паралелен конгрес за спас на десницата, Љ. Георгиевски е вистинското решение

АКТУЕЛНО

Поранешниот министер за образование од Владата на ВМРО-ДПМНЕ од 1998-2002 година, универзитетскиот професор Ненад Новковски во изјава за „Поглед.мк“ вели дека предлогот на Стојанче Ангелов за Љубчо Георгиевски како нов лидер на ВМРО-ДПМНЕ, претставува значен позитивен сигнал за почеток на разрешување на кризата во десницата.

„Посочувањето на поранешниот долгогодишен лидер на ВМРО-ДПМНЕ, Љубчо Георгиевски, е првиот јавно изнесен предлог за нов лидер за којшто предлагачот смета дека ги исполнува барањата што се наметнуваат во овој момент за ваквата крајно значајна задача. Ова е во насока на моите укажувања да се излезе со конкретни предлози коишто ветуваат тежина неопходна за справување со тешките задачи коишто постојат пред десницата.

 

 

Предложеното решение може да биде основа за спроведување на тешките промени што мора да се случат во десницата со цел таа да се врати на вистинскиот пат. Има да се изоди уште многу долг пат, но ова е првиот чекор во вистинската насока, смета Новковски.

Најавуваниот можен паралелен конгрес не само што не е исклучен, туку може да се каже дека тој друг конгрес би бил вистински валиден, поради тоа што формалните институции на партијата целосно го изгубија легитимитетот. Имено, голем дел од партиските раководители се веќе предмет на правен прогон, а за многу други се очекува да отпочнат постапки. Тешко е дека во такви услови би можело да се одржат легални собири на сите органи инволвирани во изборот на лидер на партијата. Во таа смисла, конгресот однадвор, односно конгресот за спас на десницата од изложеноста на криминални структури во раководство може да биде единственото разумно решение на кризата, додаде тој. 

 

ПОСЛЕДНИ ОБЈАВИ

- Advertisement -