Реал Мадрид конечно имаше прилика додатно да ја намали предноста на Барселона, после киксот на Каталонците на “Камп Ноу“ против Селта Виго. Меѓутоа, Кралевите одиграа само 0:0 на “Сан Мамесу“, па разликата остана на големи осум бодови.
Затоа многу сметаат дека на актуелниот првак во Шпанија и Европа им е потребно засилување веќе во јануари, кое е се поверојатно дека ќе се реализира. Имено, веќе некое време се шпекулира дека во Мадрид ќе дојде класа напаѓач.
Вернер, Левандовски, Агуеро… Тоа се само некои од имињата кои се поврзуваат со Реал. Во последно време тоа е извонредниот Мохамед Салах.
Египќанинот сигурно игра во животна форма, а многу сметаат дека во овој момент е најдобриот играч на Премиерлигата. Тој постигна 12 голови со три асистенции и е прв стрелец на англискиот првенство пред ѕвезди како што се Серхио Агуеро и Алваро Мората.