Зинадин Зидан се впиша во книгата за рекорди на мадридски Реал освојувајќи во иста календарска година дури пет трофеи: Лига на шампиони, шпанската лига, шпански суперкуп, европски суперкуп и, победата од 1:0 против Греми, клупско Светско првенство!
“Одигравме одличен натпревар, задоволен сум со сите сегменти на играта. Победата е заслужена, од почеток до крај игравме на високо ниво. Го освоивме и 5-от трофеј, среќни сме бидејќи ова е вистински успех“, рече Зидан и го прокоментира настапот на Кристијано Роналдо, стрелец на единствениот погодок.
“Кога е најбитно, можете да сметате на него дека ќе ја донесе победата. Би сакал да го продолжи договорот, за нас е фундаментално Кристијано да ја заврши кариерата во клубот бидејќи никој нема да може да го повтори тоа што тој го прави“.